به‌شینه‌وه‌

هه‌ورێك هات و

 بۆ شۆردنه‌وه‌ی دره‌خته‌ پایزیه‌كان.. بارانێك كه‌وته‌ ڕێگا..

 (با) یه‌ك رۆیشتوو

كۆڵانه‌كانی پڕكرد له‌ ده‌نگ

په‌رچه‌می سنه‌وبه‌ره‌كانی شانه‌كرد

بسكی شه‌نگه‌ بیه‌كانی هۆنیه‌وه‌

تۆش ئه‌ی هاوڕی..

له‌ودیوی عه‌شقه‌وه‌ هاتیی و

تێكه‌ڵ به‌ ره‌وتی هه‌ور بووی.. بۆ ئه‌وه‌ی

له‌ دیواره‌ به‌رزه‌كانی كه‌وشه‌ن، تێپه‌ڕی

تا.. په‌نجه‌ره‌ی شیعر

به‌ڕووی (شار) ا بكه‌یته‌وه‌

مه‌به‌ستت بوو..

ببیه‌وه‌.. مناڵه‌ بزۆزه‌كه‌ی جاران و

 به‌سه‌ر دیواره‌كانا ڕاكه‌ی

بۆ دواجار، گیرفانت پڕكه‌ی له‌ هه‌ڵمات

جارێكی تر.. به‌رد بگریه‌ (ئازاد سوبحی دڵ ره‌ق و باوكه‌ پاشاكه‌ی)

نه‌تده‌زانی وه‌یشوومه‌، به‌ره‌و ماڵی شانۆ خزیوه‌ و

سینگی ده‌رگای (چێوار) ده‌كوتی                                                                                       

بۆیه‌ مه‌لی خه‌یاڵت تۆراو

به‌دووچاوی نمناكه‌وه‌

زه‌كاتی شیعرت به‌شیه‌وه‌.

بۆ دلاوه‌ر قه‌ره‌داغی

hamedrasul@yahoo. com