کوردستان نێت ٢٠٠٩ - ٢٠١٠

ژنێک ئە ناسم پڕە لەژیان. . . . زۆر حەز بەڕکابەری لەگەڵ پڕژیانا ئەکات

تابلۆیەکی تێر ڕەنگی سروشتی ژنیەتیەو. . . هەموو ڕەنگەکان لەناخیا زیندون

ئەو ژنە. . . وەکوو کانی ژیانی لێهەڵەقوڵێت

تینوەکان بۆ شکاندنی تینویەتیان ساباتێکیان هەڵداوە بەدیار حازر بونیەوە

ئەو هێشتا لە تێر بونی خۆی بەگومانە. . . . حازر نیە تۆو ئەو و ئەوان تێرکات

ژنێک ئەناسم زۆر لێو تێرە

، بە ملیۆنێک ماچ ئەڵێ یەک. . . عاشقە بە سروشتی بەرائەت

پاک بوونەوەلەسەرهەرهەسارەیەک بێت ئەو بۆی ئەچێت

ئەو ژنە ڕوی سورە، ، ، ، ، پایزیش زەردی ناکات

ئەو خۆی تۆی زۆر کردووە. . . زۆری تۆش لەناوی نابات

باکی نیە لە گولەی وێڵی خەمێکی لەناکاو بێت و بیپێکێ

بەختەوەری ئەبەدی نییە. . . . ئەو هەر ئەوەو و هەر خۆی ئەبێ

دواهەمین زستان گورزێکی بە ئازار بوو یای لە وڵاتی تەمەنی

تەنیا گوڵی بەختەوەری وەرزێکی پێ وەری، ، ، ، باخی ئومێدی مەحاڵە بەڕوی پەپوولەیا داخرێ

ئەو ژنەی من ئەیناسم دەریایەکە لە ئاوازی مەست. . . شەیدایەکی نوێی دەنگی هات گوێی بۆ بگرێ

بەڵام کەهات بیریچوبوو گوێچکەی لەگەڵ خۆیا بێنێ

خۆشی نەیزانی چی ئەوێ. . . ویستی بەشێتی خۆی بی شێوێنێ

ئەو ژنە خۆی ئەناسێ دەرگاشی نەبێ لە پەنجەرەی ئەدرێ

چونکە ئەو ژنە. . . بەردەوامی بەدەستە

مەرگیش کۆتایی ناهێنێ

ئاڤان ٢٠١٠ 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.