کوردستان نێت ٢٠٠٩ - ٢٠١٠

خه‌ڵكی دیموكراسی خوازی كوردستان

هاونیشتیمانیانی مرۆڤ دۆست

دوای خستنه‌ رووی سه‌رجه‌م ناڕزاییه‌كان له‌ لایه‌ن رێكخراوه‌كانی كۆمه‌ڵگای مه‌ده‌نی و كه‌سایه‌تییه‌كان و سه‌رجه‌م چین و توێژه‌كانی نێو كۆمه‌ڵگای كوردی، به‌ڵام سه‌رۆكی هه‌رێمی كوردستان له‌ 12/12/2010 واژووی له‌سه‌ر (یاسای رێكخستنی خۆپیشاندان) كرد. كه‌ تیایدا ماف و قه‌واره‌ی موماره‌سه‌كردنی ئازادی تیادا زه‌وت كراوه‌.

ئێمه‌ وه‌ك كه‌مپینی (نا) بۆ یاسای رێكخستنی خۆپیشاندان وێڕای هه‌وڵه‌كانمان و ئاگاداركردنه‌وه‌ی سه‌رۆكی هه‌رێم له‌ رێگای یاداشتێكی ناڕه‌زایی، هیچ یه‌كێك له‌ هه‌وڵه‌كان بۆ واژوو نه‌كردنی ئه‌م یاسایه‌ سه‌ری نه‌گرت. بۆیه‌ ئێستاش له‌ هه‌وڵه‌كانمان به‌رده‌وام ده‌بین بۆ هه‌مواركردنه‌وه‌ی (یاسای رێكخستنی خۆپیشاندان) و گرتنه‌به‌ری رێگای دیالۆگ و هه‌ڵمه‌ت و چالاكی مه‌ده‌نی.

ئه‌و خاڵانه‌ی له‌ یاساكه‌دا كار بۆ هه‌مواركردنه‌وه‌یان ده‌كه‌ین، بریتین له‌:

1-بابه‌تی مۆڵه‌ت وه‌رگرتن.

2-خۆپیشاندانی له‌ ناكاو.

3-خۆپیشاندانی تاكه‌كه‌سی و نێوده‌وڵه‌تی.

بۆ كاركردن له‌سه‌ر ئه‌م ئامانجانه‌ش هه‌ڵمه‌تێكی واژوو كۆكردنه‌وه‌ له‌ سه‌رانسه‌ری كوردستان و عێراق و وڵاتانی ده‌ره‌وه‌ ئه‌نجام ده‌ده‌ین. پاشان كۆی واژووه‌كان له‌گه‌ڵ یاسا هه‌موار كراوه‌كه‌دا، له‌ گردبوونه‌وه‌یه‌ك پێشكه‌ش به‌ په‌رله‌مانی كوردستان و لایه‌نی په‌یوه‌ندیدار و رای گشتی ده‌كه‌ین.

بۆیه‌ به‌شداریكردنت له‌م هه‌ڵمه‌ته‌ هه‌وڵدانێكه‌ بۆ گه‌ڕانه‌وه‌ی ماف و ئازادییه‌ زه‌وتكراوه‌كان.

بۆ ناردنی ئیمێل و پشتیوانیكردنتان ئه‌م ناونیشانه‌ی خواره‌وه‌ به‌كار بهێنن:

This e-mail address is being protected from spambots. You need JavaScript enabled to view it

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.